ძლიერი ქარის გამო თბილისის საერთაშორისო აეროპორტში კიდევ ერთი რეისი გაუქმდა. როგორც „ინტერპრესნიუსს“ თბილისის საერთაშორისო აეროპორტში განუცხადეს, ფრენა გააუქმაAir Astana-მ, რომელიც რეისს ალმაატადან ასრულებდა. აღნიშნული რეისი, რამდენიმე საათის განმავლობაში აქტაუს აეროპორტში იყო გაჩერებული, რამდენიმე წუთის წინ კი კვლავ ალმაატაში გაფრინდა.

გაუქმებულია Turkish Airlaines-ის რეისიც, რომელიც გოგჩენი-თბილისის მიმართულებით უნდა შესრულებულიყო.

ამ დრომდე აშხაბადის აეროპორტშია გაჩერებული china southern airlines - ის რეისიც, რომელიც ფრენას ურუმჩიდან ასრულებდა.

ფრენები განრიგის მიხედვით ხორციელდება ქუთაისისა და ბათუმის საერთაშორისო აეროპორტებში.