მიხეილ სააკაშვილის ადვოკატებმა უკრაინის პრეზიდენტის მოწმის სახით გამოძახებაზე სასამართლოს შუამდგომლობით მიმართეს

მიხეილ სააკაშვილის დაცვის მხარემ უზენაეს სასამართლოში უკრაინის პრეზიდენტის პეტრო პოროშენკოს მოწმის სახით გამოძახებაზე სასამართლოს შუამდგომლობით მიმართა. ამის შესახებ მიხეილ სააკაშვილის ადვოკატმა რუსლან ჩერნოლუცკიმ განაცხადა.

„16 მარტს უზენაეს სასამართლოში მიხეილ სააკაშვილისთვის მოქალაქეობის ჩამორთმევის საკითხის არსებითი განხილვა იქნება. ჩვენ ოცამდე შუამდგომლობა წარვადგინეთ მტკიცებულებების გამოთხოვასთან დაკავშირებით, მათ შორის უკრაინის პრეზიდენტის მოწმის სახით დაკითხვის თაობაზე“, - განაცხადა ადვოკატმა.

რუსლან ჩერნოლუცკიმ ასევე განაცხადა, რომ დაცვის მხარემ სარჩელი შეიტანა მიხეილ სააკაშვილის უკრაინიდან უკანონოდ გაძევების თაობაზე.

„უკვე ერთი თვე გავიდა, რაც სარჩელები შევიტანეთ ხელისუფლების მხრიდან უკანონო ქმედებებზე, მაგრამ სასამართლო სხდომები ჯერ არ ჩანიშნულა“, - აღნიშნა ადვოკატმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს