გუდაურში დაშავებულმა შვედმა ტურისტმა კლინიკა „მედიქლაბ ჯორჯია“ დატოვა. ამის შესახებ „ინტერპრესნიუსს“ კლინიკის სამედიცინო დირექტორმა გიორგი გოცაძემ განუცხადა.
მისივე თქმით, შვედი ფეხმძიმე ტურისტის მდგომარეობა სტაბილურია. ის კლინიკიდან დღეს დილით გაწერეს და აეროპორტამდე რეანომობილით გადაიყვანეს.
შვედი ქალი 16 მარტს გუდაურის საბაგიროზე მომხდარი შემთხვევის შედეგად დაშავდა. მას „მედიქლაბ ჯორჯიაში“ ძირითადად წოლითი რეჟიმი ჰქონდა დანიშნული.