ლევან იზორია - არჩილ ტატუნაშვილი არის საოკუპაციო რეჟიმის მსხვერპლი, მან საქართველოს სიყვარულს, მისი ღირსების დაცვას შესწირა თავი
არჩილი არის საოკუპაციო რეჟიმის მსხვერპლი, მან საქართველოს სიყვარულს, მისი ღირსების დაცვას შესწირა თავი, - ამის შესახებ საქართველოს თავდაცვის მინისტრმა ლევან იზორიამ გუშინ, მუხათგვერდის ძმათა სასაფლაოზე განაცხადა, სადაც ოკუპირებულ ცხინვალში მოკლული არჩილ ტატუნაშვილი სამხედრო პატივით დაკრძალეს.
“კიდევ ერთხელ გამოვხატავთ ღრმა მწუხარებას არჩილ ტატუნაშვილის გარდაცვალების გამო. ვუსამძიმრებთ ოჯახს და სრულიად საქართველოს. არჩილი არის საოკუპაციო რეჟიმის მსხვერპლი, მან წამებით საქართველოს სიყვარულს მისი ღირსების დაცვას შესწირა თავი, ამიტომ, საქართველო არასდროს დაივიწყებს თავის გმირს“, - განაცხადა თავდაცვის მინისტრმა.
