თბილისის მერის კახა კალაძის ინფორმაციით, მეტროს სადგურ “ვარკეთილში“ ჭერის ჩამონგრევასთან დაკავშირებით გამოძიების შედეგები უახლოეს პერიოდში გახდება ცნობილი.

როგორც კალაძემ ჟურნალისტებს განუცხადა, გამოძიება ბოლო ეტაპზეა და განცხადებას უახლოეს მომავალში შს სამინისტრო გააკეთებს.

“ვარკეთილის მეტროსთან დაკავშირებით გამოძიება გადის ბოლოში. ამ თემასთან დაკავშირებით უახლოეს მომავალში შინაგან საქმეთა სამინისტრო განცხადებას გააკეთებს", - განაცხადა კახა კალაძემ.

მეტროს სადგურ „ვარკეთილში“ 2018 წლის 30 იანვარს ე.წ. შეკიდული ჭერი ჩამოინგრა, რის შედეგადაც რამდენიმე ადამიანი დაშავდა.