პანკისის ხეობის სოფელ ქორეთის მოსახლეობა სკოლის მშენებლობის დაწყებას აპროტესტებს. ადგილობრივები სოფლის ცენტრში შეიკრიბნენ და აქცია გამართეს. მათი თქმით, ადგილს, სადაც სამშენებლო სამუშაოები იწყება, სპორტული აქტივობისთვის იყენებენ, სკოლის აშენების შემდეგ კი სოფელი სპორტული სტადიონის გარეშე დარჩება.
ქორეთელები მოითხოვენ, რომ სკოლის ასაშენებლად სხვა ალტერნატიული ფართი გამოიყოს.
ადგილობრივების პროტესტს გამოეხმაურა ახმეტის მუნიციპალიტეტის მერი. სოსო ქარუმაშვილის თქმით, აღნიშნულ საკითხზე უკვე დაუკავშირდა განათლების სამინისტროს და პასუხს ელოდება. ქარუმაშვილი ფიქრობს, რომ უწყების მხრიდან ნებისმიერი გადაწყვეტილება ქორეთელების ინტერესებს მოერგება.