ჩრდილოეთ კალიფორნიაში, Youtube-ის ერთ-ერთ ფილიალთან სროლა იყო. აღნიშნულ ინფორმაციას BBC ავრცელებს. მაუწყებლის ინფორმაციით, ადგილზე მობილიზებულია სასწრაფო დახმარების ბრიგადები, სამართალდამცავები კი მოსახლეობას აღნიშნული ტერიტორიიდან შორს ყოფნას სთხოვენ.
შემთხვევა რამდენიმე წუთის წინ მოხდა. ამ დროისთვის დაშავებულების ან გარდაცვლილების შესახებ ინფორმაცია არ ვრცელდება. Youtube-ის ადმინისტრაციის ინფორმაციით, სროლის გამო შენობა თანამშრომლებმა პანიკის ფონზე დატოვეს. აღნიშნულის შესახებ ადმინისტრაცია ინფორმაციას "ტვიტერში" აქვეყნებს.