კალიფორნიაში Youtube-ის ოფისთან სროლა იყო

ჩრდილოეთ კალიფორნიაში, Youtube-ის ერთ-ერთ ფილიალთან სროლა იყო. BBC-ის ინფორმაციით, ადგილზე მობილიზებული იყო სასწრაფო დახმარების ბრიგადები, სამართალდამცავები კი მოსახლეობას აღნიშნული ტერიტორიიდან შორს ყოფნას სთხოვდნენ.

Youtube-ის ადმინისტრაციის ინფორმაციით, სროლის გამო შენობა თანამშრომლებმა პანიკის ფონზე დატოვეს.

კალიფორნიაში, YouTube-ის შტაბ-ბინაში მომხდარი სროლების შესახებ ერთ-ერთი თანამშრომელი „ტვიტერზე“ წერს: „შტაბ-ბინაში აქტიური სროლა იყო. ჩემს სამუშაო მაგიდასთან მესმოდა სროლის ხმა და ვხედავდი, როგორ გარბოდნენ ადამიანები. ოთახში კოლეგებთან ერთად ვიყავი“, - წერს ვადიმ ლავრუსიკი. მოგვიანებით მანვე გაავრცელა ინფორმაცია, რომ შენობაში პოლიციელები შევიდნენ და ის ქუჩაში გაიყვანეს.

კომპანიის კიდევ ერთი თანამშრომელი წერს, რომ შენობიდან ევაკუაციისას სისხლის ლაქები შენიშნა. მისივე ცნობით, ბოროტმოქმედმა, ვინც ცეცხლი გახსნა, თავი მოიკლა.

ინტერნეტში გავრცელა ვიდეო მასალაც, სადაც ჩანს როგორ გამოდიან ადამიანები შენობიდან ხელებაწეული, მათ გადაადგილებას კი პოლიცია აკვირდება.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“