აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ, საკონსტიტუციო, იურიდიულ და საპროცედურო საკითხთა კომისიის თავმჯდომარემ ნინო ჩხეტიამ საქართველოს ორგანული კანონის პროექტი და აჭარის კონსტიტუციური კანონი „აჭარის ავტონომიური რესპუბლიკის კონსტიტუციაში ცვლილების შეტანის შესახებ“ დღეს საქართველოს პარლამენტის ჯანმრთელობის დაცვისა და სოციალურ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების სხდომებზე წარადგინეს.

როგორც „ინტერპრესნიუსს“ აჭარის ა.რ. უმაღლესი საბჭოს პრესსამსახურიდან აცნობეს, მომხსენებლებმა დეტალურად ისაუბრეს საქართველოს კანონმდებლობიდან გამომდინარე ცვლილებებზე, ავტონომიური რესპუბლიკის უფლებამოსილებების კომპეტენციების ზრდის საკითხებსა და სახელისუფლებო შტოებს შორის ურთიერთობის დაბალანსების მექანიზმებზე. ასევე, საარჩევნო სისტემაზე და ამ საკითხებზე პარლამენტის წევრების მოსაზრებები მოისმინეს.

წარმოდგენილ საკითხებს ორივე კომიტეტმა მხარი დაუჭირა.