პარტია “ქართული ოცნების“ ყრილობა, სავარაუდოდ, მაისის მეორე ნახევარში გაიმართება, სადაც პოლიტსაბჭოსა და სარევიზიო კომისიის შემადგენლობაში ცვლილებები განხორციელდება.
ჟურნალისტების კითხვაზე, დატოვებს თუ არა გედევან ფოფხაძე პოლიტსაბჭოს შემადგენლობას, პარტიის აღმასრულებელმა მდივანმა ირაკლი კობახიძემ განმარტა, რომ ამაზე გადაწყვეტილებას პოლიტსაბჭო და თავად ყრილობა მიიღებს.
“ახლა რაიონული და საქალაქო კონფერენციები ტარდება და უახლოეს მომავალში პარტიის ყრილობა გაიმართება. სავარაუდოდ, ყრილობა მაისის მეორე ნახევარში ჩატარდება, სადაც წესდების თანახმად, განახლდება ხელმძღვანელი ორგანოები. განახლება პოლიტსაბჭოსა და სარევიზიო კომისიას შეეხება. ეს საბოლოო ჯამში, არის პარტიის წევრთა გადასაწყვეტი, თუმცა ჩემი ვარაუდია, რომ ცვლილებები შეეხება პოლიტსაბჭოსა და სარევიზიო კომისიას“, - განუცხადა ჟურნალისტებს ირაკლი კობახიძემ.