ირანში მომხდარი მიწისძვრის შედეგად დაშავებულთა რიცხვმა 51-ს მიაღწია. ამის შესახებ სააგენტო IRNA იუწყება. მისივე ინფორმაციით, 31 ადამიანს ჰოსპიტალიზაცია დასჭირდა, კიდევ 20-ს კი ექიმებმა დახმარება ადგილზე აღმოუჩინეს.

ირანის ცენტრალურ ნაწილში 5,3 მაგნიტუდის სიმძლავრის მიწისძვრა დღეს, ადგილობრივი დროით 04:08 საათზე, ქალაქ იასუჯიდან 11 კილომეტრში მოხდა. მიწისძვრის კერა 10 კილომეტრის სიღრმეზე მდებარეობდა.