„ერთგული“ ბარათის გათამაშებაში გამარჯვებული ელ კლასიკოზე გაემგზავრება

„ერთგულმა“ ბარათმა ელ კლასიკოს 2 ბილეთი გაათამაშა. როგორც „ინტერპრესნიუსს“ „თიბისი ბანკიდან“ აცნობეს, გათამაშება 1-ლი იანვრიდან დაიწყო, 23 აპრილს კი გამარჯვებული თამარ კალანდაძე გამოვლინდა.

„თიბისი ბანკის“ ინფორმაციით, პირობის თანახმად, მოიგო მან, ვინც „ერთგულის“ პარტნიორ სპორტულ მაღაზიებში ყველაზე მეტი ტრანზაქცია განახორციელა განსაზღვრული პერიოდის განმავლობაში. გამარჯვებულმა მატჩის ბილეთებთან ერთად, სასტუმროსა და მგზავრობის ხარჯების დასაფარად 5000 ერთგული ქულა მიიღო.

გამარჯვებული თამარ კალანდაძე ესპანეთში მეუღლესთან ერთად გაემგზავრება.

„ძალიან გახარებული ვარ. ვიცოდი, რომ გათამაშება ტარდებოდა, თუმცა მოგება მაინც მოულოდნელი იყო“, - განაცხადა გამარჯვებულმა თამარ კალანდაძემ.