დღეს „ქართული ოცნების“ ამომრჩევლები, საზოგადოების დიდი ნაწილი არის გაბრაზებული იმაზე, რომ პრეზიდენტი ასე „წარმატებით უგულვებელყოფს“ „ქართული ოცნების“ მხარდამჭერთა ინტერესებს, იმ მხარდაჭერას, რომელიც მან მიიღო საპრეზიდენტო არჩევნებში, - ამის შესახებ საქართველოს პარლამენტის უმრავლესობის ლიდერმა არჩილ თალაკვაძემ პარლამენტის სხდომაზე განაცხადა.

მისი თქმით, „ეს არის სამართლიანი ბრაზი და რა თქმა უნდა, ეს მან უნდა მიიღოს“. „პირადად ჩემი შთაბეჭდილება არის ის, რომ მისი ანგარიში იყო გაჯერებული პესიმიზმით და მისი გამოსვლა უფრო მეტად უიმედობის მომტანი იყო საზოგადოებისთვის, ვიდრე იყო რაიმე პოზიტივის, რაიმე გამოსავლის ან უკეთესი მომავლის შესახებ საუბარი. პოლიტიკოსების, ნამდვილი ლიდერების ფუნქცია და როლი არის ის, რომ საზოგადოებას გადასცეს მეტი მუხტი, მეტი იმედი და რწმენა მომავლისთვის, რაც დღეს სამწუხაროდ, პირიქით მოხდა, - განაცხადა თალაკვაძემ.