კითხვებზე ასეთი მწვავე რეაქცია, ვფიქრობ, ქვეყნის პირველი პირისგან კარგი მაგალითი არ არის, – ამის შესახებ პარლამენტში გამოსვლისას, პირველმა ვიცე სპიკერმა, თამარ ჩუგოშვილმა განაცხადა.

უმრავლესობის დეპუტატის თქმით, ცუდია, რომ პრეზიდენტმა დატოვა საკანონმდებლო ორგანო, რადგან არსებობს ლეგიტიმური კითხვები, რომელზე პასუხიც პრეზიდენტს არ გაუცია.

„მიუხედავად იმის, რომ პრეზიდენტი მუდმივად მოგვიწოდებს წარვმართოთ დემოკრატიული პროცესი, იყოს მეტი დისკუსია და ა.შ. თვითონ ძალიან არ უყვარს კრიტიკული კითხვები, მას არ სიამოვნებს, როდესაც კითხვებს უსვამენ, არამც თუ აკრიტიკებენ. კითხვებზე ასეთი მწვავე რეაქცია, ვფიქრობ, ქვეყნის პირველი პირისგან კარგი მაგალითი არ არის არც პარლამენტის წევრებისთვის, არც პოლიტიკური სპექტრისთვის და არც მოსახლეობისთვის.

ყოველთვის, როდესაც კითხვები ჩნდება, გვესმის, რომ ეს არის შავი პიარი, პრეზიდენტს ებრძვიან და ა.შ., თუმცა კითხვები არსებობს“, - განაცხადა თამარ ჩუგოშვილმა.