დაპირისპირებას ამას ვერ დავარქმევთ - იყო პატარა გაუგებრობა, - ამის შესახებ პარტია "ქართული ოცნება - დემოკრატიული საქართველოს" ახლად არჩეულმა თავმჯდომარემ ბიძინა ივანიშვილმა პარტიის ყრილობის შემდეგ ჟურნალისტებთან კომენტარის დროს, „ქართულ ოცნებაში“ განვითარებული მოვლენების კომენტირებისას განაცხადა.

"თუ მიაქციეთ ყურადღება, პოლიტსაბჭოს წევრებთან ჩემი პირველი შეხვედრის შემდეგ ეს ხმაური დასრულდა. დაპირისპირებას ამას ვერ დავარქმევთ - იყო პატარა გაუგებრობა, რომელიც დღეს მოხსენებაშიც აღვნიშნე. არაფერი სერიოზული არ იყო და გამოჩენისთანავე პრინციპში დასრულდა", - განაცხადა ბიძინა ივანიშვილმა.

მისივე თქმით, ის ყურადღებით აკვირდება გუნდის მუშაობას.

ჟურნალისტებთან სხვა საკითხებზე კომენტარი ბიძინა ივანიშვილს არ გაუკეთებია.