მთავრობის ადმინისტრაციის შენობასთან ამ წუთებში ძიუდოისტების აქცია მიმდინარეობს. მონაწილეები უშუალოდ პრემიერ–მინისტრისგან მოითხოვენ საკითხის შესწავლას და იმედოვნებენ, რომ ფედერაციაში არსებული პრობლემები დროულად მოგვარდება, რათა ყველა სპორტსმენს მიეცეს ვარჯიშის შესაძლებლობა, რომ მსოფლიო ჩემპიონატზე ღირსეულად წარდგნენ.
დღევანდელ აქციაზე ოდნავ მოგვიანებით წაიკითხავენ სპეციალურ განცხადებასაც, სადაც აღნიშნულია ფედერაციაში არსებული ის პრობლემები, რომლის მოგვარებასაც ძიუდოისტები მოითხოვენ.
შეგახსენებთ, რომ უკვე რამდენიმე კვირაა ძიუდოისტების ნაწილი ფედერაციის პრეზიდენტის, დავით ქევხიშვილის გადადგომას ითხოვს.