ჩვენ ვემიჯნებით ყველანაირ პოლიტიკურ ძალებს, - ასე დაიწყო მიმართვა პარლამენტთან მიმდინარე აქციაზე ძიუდოისტმა ავთანდილ ჭრიკიშვილმა.

მისი განცხადებით, შეკრებილი სპორტსმენების ერთადერთი სურვილია, შეძლონ სპორტული საქმიანობის გაგრძელება. „სპორტის გარდა არაფერი გვინდა. სწორედ ამიტომ ვართ აქ. მადლობა ყველას მხარდაჭერისთვის“, - აღნიშნა ავთანდილ ჭრიკიშვილმა.

პარლამენტის შენობის წინ ძიუდოისტები და მათი მხარდამჭერები აქციას მართავენ. მათი მთავარი მოთხოვნაა დაკავებული თანამდებობა დატოვოს ფედერაციის პრეზიდენტმა დავით ქევხიშვილმა, ხოლო ხელისუფლებამ ფედერაციაში არსებულ პრობლემებთან დაკავშირებით მეტი ყურადღება გამოიჩინოს.