საგაზაფხულო სამუშაოების ფარგლებში, შპს „ეკოსერვის ჯგუფი“ 29 მაისიდან წერეთლის გამზირზე სხვლა-ფორმირების მასშტაბურ სამუშაოებს დაიწყებს, - ამის შესახებ "ინტერპრესნიუსს" თბილისის მერიიდან აცნობეს.
მათივე ინფორმაციით, შესაბამისი სამუშაოები წერეთლის გამზირზე წლების განმავლობაში არ განხორციელებულა. მერიის ცნობით, ხეები პრობლემას უქმნის როგორც მოსახლეობას, ასევე, გარე განათების სისტემის ეფექტურობას.
წერეთლის გამზირზე საცობების თავიდან აცილების მიზნით, სამუშაოები ღამის საათებში წარიმართება.
ხე-მცენარეების სხვლა-ფორმირების სამუშაოები დასრულებულია რუსთაველისა და ჭავჭავაძის გამზირებზე, მელიქიშვილის, ბარათაშვილისა და ნაწილობრივ კოსტავას ქუჩებზე. წერეთლის გამზირზე სამუშაოების დასრულების შემდეგ, ვაჟა-ფშაველას გამზირისა და თამარაშვილის ქუჩის მოწესრიგება იგეგმება.