საგარეო საქმეთა მინისტრი ბრიტანეთის პარლამენტში საქართველოსთან მეგობრობის ჯგუფის ხელმძღვანელს შეხვდა

საქართველოს ვიცე პრემიერმა, საგარეო საქმეთა მინისტრმა მიხეილ ჯანელიძემ შეხვედრა გამართა გაერთიანებული სამეფოდან საქართველოში ვიზიტით მყოფ პარლამენტის წევრებთან, ბრიტანეთის პარლამენტში საქართველოსთან მეგობრობის ინტერპარტიული ჯგუფის ხელმძღვანელის ჯონათან ჯანოგლის ხელმძღვანელობით.

საგარეო საქმეთა სამინისტროს ინფორმაციით, საპარლამენტო დელეგაცია საქართველოს პირველი დემოკრატიული რესპუბლიკის 100 წლისთავის აღსანიშნავ ღონისძიებებში მონაწილეობის მიზნით სტუმრობს. მათივე ინფორმაციით, შეხვედრაზე მხარეებმა ისაუბრეს საქართველო-ბრიტანეთს შორის არსებულ მჭიდრო და მეგობრულ ურთიერთობებზე. ხაზი გაესვა ორ ქვეყანას შორის მზარდი საერთო ინტერესებისა და სტრატეგიული თანამშრომლობის საკითხებს. აღინიშნა, რომ საქართველო-ბრიტანეთის „უორდროპის სტრატეგიული დიალოგის“ ერთ-ერთი აქტიური განზომილება საპარლამენტო თანამშრომლობაა.

ჯონათან ჯანოგლიმ მადლობა გადაუხადა ქართულ მხარეს გამოხატული სოლიდარობისთვის, სამხედრო დანიშნულების ნერვულ-პარალიტიკური ნივთიერებით მოწამლვის მომხდარ ფაქტთან დაკავშირებით.

ბრიტანელმა პარლამენტარებმა მტკიცე მხარდაჭერა გამოხატეს საქართველოს ტერიტორიული მთლიანობის, არაღიარების პოლიტიკისა და ევროატლანტიკური ინტეგრაციის პროცესების მიმართ. აღნიშნეს, რომ ინტერესით ადევნებდნენ თვალს საქართველოს მთავრობის ინიციატივებს და დადებითად აფასებენ ქვეყანაში მიმდინარე რეფორმებს.

საგარეო საქმეთა მინისტრმა ხაზი გაუსვა მათი სტუმრობის მნიშვნელობას. პირადად ჯონათან ჯანოგლის და პარლამენტის წევრებს მადლობა გადაუხადა საქართველოსადმი განსაკუთრებული კეთილგანწყობისთვის, აქტუალურ თემებსა და საკითხებზე ჩართულობისა და მხარდაჭერისთვის.

მიხეილ ჯანელიძემ კმაყოფილებით აღნიშნა, რომ ბრიტანეთი, საქართველოში განხორციელებული ინვესტიციების მოცულობით მესამე ადგილზეა და აღნიშნა, რომ საქართველოს ინტერესშია ბიზნეს-ეკონომიკური კავშირების კიდევ უფრო გაღრმავება.

საგარეო საქმეთა მინისტრმა ბრიტანულ მხარეს გააცნო ოკუპირებულ ტერიტორიებზე არსებული მძიმე ჰუმანიტარული ვითარება. მან მადლობა გადაუხადა ბრიტანულ მხარეს ევროკავშირის მონიტორინგის მისიაში დამკვირვებლების მონაწილეობასთან დაკავშირებით და ხაზი გაუსვა ამ კუთხით, საერთაშორისო თანამეგობრობის ჩართულობის აუცილებლობას.

ვიზიტის ფარგლებში დაგეგმილია მაღალი დონის სხვა შეხვედრებიც.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)