ლია გიგაური - ინკლუზიური განათლება გამოწვევაა, რადგან თითოეულ მოსწავლესთან ინდივიდუალურ საჭიროებებზე დაფუძნებულ სასწავლო გეგმებს მოითხოვს

ინკლუზიური განათლება არის გამოწვევა, რადგან მოითხოვს თითოეულ მოსწავლესთან ინდივიდუალურ საჭიროებებზე დაფუძნებულ სასწავლო გეგმებს,- ამის შესახებ საქართველოს განათლების და მეცნიერების მინისტრის მოადგილემ ლია გიგაურმა ჟურნალისტებს განუცხადა. როგორც გიგაურმა აღნიშნა, სამინისტროს 2018-2021 წლების სტრატეგია აღნიშნული მიმართულებით უკვე შემუშავებული აქვს.

"ამ კონფერენციის მიზანია საუკეთესო პრაქტიკის გაზიარება, ამავე დროს ჰორიზონტალური კავშირების დამყარება და რაც მთავარია საერთო მიზანზე შეჯერება, რაც ძალიან მნიშვნელოვანია როგორც ჩვენი ქვეყნის ასევე მსოფლიოს ნებისმიერი ქვეყნის მოქალაქისთვის, ეს არის თანაბრად ხელმისაწვდომი განათლება და თანაბარი ჩართულობა როგორც განათლების სისტემაში, ასევე საზოგადოებრივ ცხოვრებაში. ინკლუზიური განათლება გახლავთ ინკლუზიური ეკონომიკის საფუძველი, ინკლუზიური შრომის ბაზრის საფუძველი. ინკლუზიური განათლება არის გამოწვევა, რადგან მოითხოვს თითოეულ მოსწავლესთან ინდივიდუალურ საჭიროებებზე დაფუძნებულ სასწავლო გეგმებს.

გარდა ამისა, დღეს განათლების და მეცნიერების სამინიატრო წარმოადგენს 2018-2021 წლების ინკლუზიური განათლების სტრატეგიულ გეგმას და გააცნობს განათლების მიზნებს", - განაცხადა განათლების მინისტრის მოადგილემ, ლია გიგაურმა.

განათლების და მეცნიერების სამინისტროში აღმოსავლეთ ევროპის რეგიონული კონფერენცია გაიხსნა თემაზე "ინკლუზიური განათლების სისტემის განვითარება".

კონფერენციაზე წარმოადგენენ განათლების და მეცნიერების სამინისტროს მიერ შემუშავებული ინკლუზიური განათლების მოდელს, მიმდინარე პროექტებს, ასევე ინკლუზიური განათლების განვითარების მიზნით შემუშავებულ "ინკლუზიური განათლების განვითარების 2018-2021" სტრატეგიასა და პრიორიტეტებს. კონფერენციას სომხეთის, ალბანეთის, ბოანია-ჰერცოგოვინას ქვეყნების წარმომადგენლები ინკლუზიური განათლების საკუთარ მოდელებზე, სისტემის სუსტ და ძლიერ მხარეებზე ისაუბრებენ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)