ვეტერანების საქმეთა სახელმწიფო სამსახურის წარმომადგენელმა გლდანის რაიონის გამგებელს და მის მოადგილეებს მადლობის სიგელები გადასცა

გლდანის რაიონის გამგებელს და მის მოადგილეებს მადლობის სიგელები გადაეცათ, - ამის შესახებ „ინტერპრესნიუსს“ ვეტერნების საქმეთა სახელმწიფოს სამსახურიდან აცნობეს. მათი ინფორმაციით, ვეტერანების საქმეთა სახელმწიფოს სამსახურის, რეგიონული მართვის დეპარტამენტს, წერილობით მომართა გლდანის რაიონში, ვეტერანების საქმეთა სახელმწიფო სამსახურის წარმომადგენელმა, ავთანდილ შუბაშიკელმა, სადაც იგი განსაკუთრებულ მადლიერებას გამოხატავდა გლდანის რაიონის გამგებლის და მისი მოადგილეების მიმართ იმ ყურადღებისა და მზრუნველობისთვის, რომელსაც რაიონის გამგეობა იქ მცხოვრები ვეტერანებისადმი იჩენს.

„გლდანის რაიონში 3000 -მდე ვეტერანი და მასთან გათანაბრებული პირი ცხოვრობს. ვეტერანების საქმეთა სახელმწიფო სამსახურის წარმომადგენლობასა და გლდანის რაიონის გამგეობას, სხვადასხვა პრობლემატურ საკითხზე, ყოველდღიურად ათამდე ვეტერანი და მასთან გათანაბრებული პირი მიმართავს და არც ერთი მათგანი არ რჩება კვალიფიციური დახმარებისა და ყურადღების გარეშე“, - ნათქვამია წერილში.

ვეტერანების საქმეთა სახელმწიფო სამსახურის დირექტორის, ვლადიმერ იმნაძის გადაწყვეტილებით, რეგიონული მართვის დეპარტამენტის ხელმძღვანელმა მალხაზ თოფურიამ, გლდანის რაიონის გამგებელს, ბექა მიქაუტაძეს, მოადგილეებს - ლევან ნაროუშვილს, ზურაბ ქაშიაშვილსა და ნანა ციმაკურიძეს, რაიონში მცხოვრები ვეტერანების მიმართ გაწეული დახმარებისა და მათ მიმართ გამოჩენილი განსაკუთრებული ყურადღებისათვის, სამადლობელი სიგელები და ვეტერანების საქმეთა სახელმწიფო სამსახურის ვიმპელები გადასცა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში