ხორავას ქუჩაზე მომხდარი მკვლელობის საქმეზე მორიგი სასამართლო სხდომა 30 მაისს 11:00 საათზე განახლდება. ხვალ სხდომაზე დასკვნით სიტყვას დაცვის მხარე გააგრძელებს.

დასკვნითი სიტყვის წარმოთქმა ადვოკატმა დღეს დაიწყო, თუმცა სამუშაო დღის დასრულების გამო მაან დასკვნითი სიტყვის დასრულება ვერ მოახერხა. ხვალვე აპირებენ საქმეში ჩართული სხვა ადვოკატებიც საკუთარი დასკვნითი სიტყვის წარმოთქმას.

ადვოკატ ტარიელ კაკაბაძის შეფასებით, განსხვავებით ბრალდების მხარისა, მათი დასკვნითი სიტყვა არის სრული და ამომწურავი. მისივე თქმით, დაცვის მხარის პოზიციაა, რომ პირები დაისაჯონ ჩადენილი დანაშაულის პროპორციულად.