უკრაინა სირიის მიერ საქართველოს ოკუპირებული რეგიონების „დამოუკიდებლობის“ აღიარებას გმობს
უკრაინის საგარეო საქმეთა სამინისტრო სირიის მიერ საქართველოს ტერიტორიაზე არსებული ე.წ. სამხრეთ ოსეთისა და აფხაზეთის თვითგამოცხადებული რესპუბლიკების „დამოუკიდებლობის“ აღიარებას გმობს, - ამის შესახებ ქვეყნის საგარეო საქმეთა მინისტრმა პაველ კლიმკინმა „ტვიტერის“ პირად გვერდზე დაწერა.
მანვე აღნშნა, რომ უკრაინა კვალავაც გააგრძელებს საქართველოს ტერიტორიული მთლიანობისა და სუვერენიტეტის მხარდაჭერას. „ჩვენ საქართველოს ტერიტორული მთლიანობისა და სუვერენიტეტის ერთგული ვრჩებით და კვლავაც გვერდით ვუდგავართ ჩვენ ქართველ მეგობრებს. რუსეთის მოკავშირეთა ხროვა ყველასთვის დიდი ხანია ცნობილია“, - განაცხადა უკრაინის საგარეო უწყების ხელმძღვანელმა.
