თამარ ჩუგოშვილი - სირიის გადაწყვეტილება არავითარ შემთხვევაში არ ნიშნავს არაღიარების პოლიტიკის ხარვეზს ან პრობლემას

სირიის გადაწყვეტილება არის რუსეთის გავლენით და ცუდი რჩევით მიღებული გადაწყვეტილება, არავითარ შემთხვევაში ეს არ ნიშნავს არაღიარების პოლიტიკისთვის რაიმე გამოწვევას, ხარვეზს ან პრობლემას, - ამის შესახებ ჟურნალისტებს პარლამენტის პირველმა ვიცე–სპიკერმა თამარ ჩუგოშვილმა განუცხადა. მისი თქმით, საქართველოს დიპლომატიური სამსახურები ძალიან აქტიურად მუშაობენ ტერიტორიული მთლიანობის სამართლებრივი სტატუსის გამყარებისთვის.

„საქართველოს დიპლომატიური სამსახურები ძალიან აქტიურად მუშაობენ ჩვენი ტერიტორიული მთლიანობის სამართლებრივი სტატუსის გამყარებისთვის და პირიქით იმისთვის, რომ ვისაც აღიარებული აქვს, მათაც უკან გაიხმოს ეს აღიარება. ჩვენ, ამ კუთხით, ამერიკის შეერთებულ შტატებთან წარმატებაც გვაქვს მიღწეული. სრულიად ზედმეტი მგონია და ძალიან გულწრფელად ვიტყვი, არასწორი პოლიტიკური სპეკულაციებია ამ რეჟიმის გადაწყვეტილების გამო ქართული დიპლომატიის არაკეთილსინდისიერი შეფასება“, – განაცხადა თამარ ჩუგოშვილმა.

მისივე თქმით, მან არ იცის რა იყო საბაბი "აღიარება" ახლა მომხდარიყო, თუმცა განმარტავს, რომ რუსეთი მუდმივად ცდილობს, მოძებნოს ქვეყნები, რომლებზეც გავლენას მოახდენს და "აღიარებინებს დამოუკიდებლობას".

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს