ნატალი საბანაძე - მოლოდინი გვაქვს, რომ ევროპარლამენტის რეზოლუციის ტექსტში კიდევ ერთხელ იქნება დაგმობილი რუსეთის აგრესია, ოკუპაცია და საუბარი იქნება ოკუპაციის შედეგებზე

მოლოდინი გვაქვს, რომ ევროპარლამენტის რეზოლუციის ტექსტში კიდევ ერთხელ იქნება დაგმობილი რუსეთის აგრესია, ოკუპაცია და საუბარი იქნება ოკუპაციის შედეგებზე, - ამის შესახებ „ინტერპრესნიუსს“ ევროკავშირში საქართველოს ელჩმა ნატალი საბანაძემ განუცხადა, რითაც გამოეხმაურა 12 ივნისს ევროპარლამენტში დაგეგმილ დებატებს თემაზე - „საქართველოს ოკუპირებული ტერიტორიები - ათი წელი რუსეთის შეჭრის შემდეგ“.

ნატალი საბანაძის განმარტებით, მნიშვნელოვანია, ევროპარლამენტმა კიდევ ერთხელ თქვას თავისი სიტყვა. მისივე თქმით, უკვე არსებობს რეზოლუციის ტექსტის ვერსია, თუმცა შესაძლოა, დებატების შედეგად გარკვეულწილად შეიცვალოს.

„ჩვენ ამ რეზოლუციის მიღებაზე ძალიან დიდი ხანია ვმუშაობთ. ევროპარლამენტთან საუბარი დაახლოებით 6 თვის წინ დავიწყეთ. რუსეთ-საქართველოს ომიდან 10 წელი გადის და სპეციალურად ამ თარიღს დაემთხვა. მოლოდინი გვაქვს, რომ კიდევ ერთხელ იქნება დაგმობილი რუსეთის აგრესია, ოკუპაცია და საუბარი იქნება ოკუპაციის შედეგებზე, რომელიც ახლა გვაქვს და ფაქტობრივად, შეიძლება ითქვას, რომ მართალია ომი დასრულებულია, მაგრამ რუსეთის მხრიდან აგრესია გრძელდება განსაკუთრებით ჩვენს ოკუპირებულ ტერიტორიაზე. მნიშვნელოვანია, ევროპარლამენტმა კიდევ ერთხელ თავისი სიტყვა თქვას. საკმაოდ დიდი დრო გავიდა და მნიშვნელოვანია პოზიციის დაფიქსირება იმის შესახებ, თუ რა ხდება საქართველოს ოკუპირებულ ტერიტორიებზე“, - განაცხადა საბანაძემ.

12 ივნისს ევროპარლამენტი დებატებს გამართავს თემაზე - „საქართველოს ოკუპირებული ტერიტორიები - ათი წელი რუსეთის შეჭრის შემდეგ“. ამის შესახებ ინფორმაცია ევროპარლამენტის ოფიციალურ საიტზეა განთავსებული. ევროპარლამენტარების დებატების შედეგად რეზოლუცია იქნება მიღებული. ევროპარლამენტის სესიას აღნიშნულ საკითხზე ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში ფედერიკა მოგერინი გახსნის.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია