ხელისუფლებაში მარიონეტების შეცვლას არანაირი შედეგი არ მოაქვს, - ასე გამოეხმაურა „ევროპული საქართველოს“ წევრი ელენე ხოშტარიას სამთავრობო ცვლილებებს.

„პრობლემის ღერძი არის „ქართული ოცნების“ მმართველობის სტილი. ამ ვითარებაში ძალიან მნიშვნელოვანი იქნება გენერალური პროკურორის ადგილის გამოგლეჯა ხელისუფლებისგან და საზოგადოების მხრიდან დანიშვნა. ჩვენ წარვადგინეთ შალვა შავგულიძე. კარგი იქნება თუ სხვებიც წარადგენენ კანდიდატებს და „ქართული ოცნების“ გენერალური პროკურორი აღარ გვეყოლება. ეს მოიტანს რეალურ ცვლილებას არსებულ სიტუაციაში, დანარჩენი ყველაფერი მარიონეტული ცვლილებებია“,- აცხადებს ელენე ხოშტარია.

დეპუტატის კომენტარს „ევროპული საქართველოს“ პრესსამსახური ავრცელებს.