"აშკარა ცილისმწამებლური კამპანიისა და საჯაროდ თუ სხვა ვითარებაში მიყენებული სიტყვიერი შეურაცხყოფისთვის კანონმდებლობას ადეკვატური პასუხი უნდა ჰქონდეს - დღეს ეს რეგულაცია ძალიან სუსტია”, - განაცხადა თვითმმართველობის კომიტეტის თავმჯდომარის მოადგილემ, მერაბ ქვარაიამ. მისივე თქმით, დედის გინება და სხვა ღირსების შემლახავი კამპანია, შესაძლოა, ფატალური შედეგით დასრულდეს.
„საქართველოში ვცხოვრობთ და უნდა გვესმოდეს, რომ დედის გინება (უცენზურო სიტყვები) და სხვა ღირსების შემლახავი კამპანია შესაძლოა ფატალური შედეგით დასრულდეს. ჩვენ, კანონმდებლებს გვეკისრება ამაზე პასუხისმგებლობა, ამიტომ მიმაჩნია, რომ ამ თემაზე იურისტებმა და უფლებადამცველებმა მსჯელობა უნდა დაიწყონ და დისკუსია გახსნან”, - განაცხადა მერაბ ქვარაიამ
აღნიშნულ კომენტარს პარლამენტის პრესსამსახური ავრცელებს.