მეორე მსოფლიო ომის ვეტერანის, ქერჩის გმირის, არქიფო ნამგალაძის საიუბილეო ღონისძიება გაიმართა

არასამთავრობო ორგანიზაცია, "საბურთალოს რაიონის ვეტერანთა კავშირის" ორგანიზებით, საქართველოს ეროვნული ბიბლიოთეკის მცირე დარბაზში, 15 ივნისს, მეორე მსოფლიო ომის ვეტერანის, ქერჩის გმირის, არქიფო ნამგალაძის საიუბილეო ღონისძიება გაიმართა.

ვეტერანების საქმეთა სახელმწიფო სამსახურის ინფორმაციით, არქიფო ნამგალაძე 100 წლის გახდა.

ღონისძიებას დაესწრნენ და იუბილარს დაბადების დღე მიულოცეს ვეტერანების საქმეთა სახელმწიფო სამსახურის წარმომადგენლებმა და მას სამახსოვრო საჩუქრებიც გადასცეს.

ღონისძიებას ასევე დაესწრნენ, მეორე მსოფლიო ომის ვეტერანები, ვეტერანების საქმეთა სახელმწიფო სამსახურის, საბურთალოს რაიონის სამმართველოს წარმომადგენლი, საქართველოს ომისა და სამხედრო ძალების ვეტერანთა ცენტრალური „კავშირის“ თავმჯდომარე, თადარიგის გენერალ-მაიორი თენგიზ შუბლაძე, გენერალთა კლუბის აღმასრულებელი დირექტორი, გენერალ-მაიორი თეიმურაზ ლორია და სხვები.

„არქიფო ნამგალაძე ფრონტზე ომის დაწყებისთანავე 21 წლის ასაკში წავიდა. იბრძოდა ქერჩში და დღემდე კარგად ახსოვს ბრძოლის მოვლენები. იყო მეტყვიამფრქვევე.

ვეტერანების საქმეთა სახელმწიფო სამსახური ჯანმრთელობას და დღეგრძელობას უსურვებს ბატონ არქიფო ნამგალაძეს“, - აცხადებენ ვეტერანების საქმეთა სახელმწიფო სამსახურში.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში