შსს არ ადასტურებს ინფორმაციას, რომ ოზურგეთის მერიასთან სპეცრაზმია მობილიზებული

შინაგან საქმეთა სამინისტრო არ ადასტურებს ინფორმაციას, რომ ოზურგეთის მუნიციპალიტეტის მერიასთან სპეცრაზმია მობილიზებული.

როგორც „ინტერპრესნიუსს“ შსს-ში განუცხადეს, ოზურგეთის მერიის მიმდებარე ტერტორიაზე განსაკუთრებულ დავალებათა დეპარტამენტისა და გურიის პოლიციის დეპარტამენტის თანამშრომლები იმყოფებიან.

მათივე ცნობით, სამართალდამცველები ადგილზე მართლწესრიგისა და პრევენციის მიზნით არიან განთავსებულნი.

„მოსახლეობის უსაფრთხოებიდან გამომდინარე, ოზურგეთში სამართალდამცველები მართლწესრიგის დაცვისა და პრევენციის მიზნით არიან მობილიზებულნი. სპეცრაზმი არ არის. იქ იმყოფებიან განსაკუთრებულ დავალებათა დეპარტამენტისა და გურიის პოლიციის დეპარტამენტის თანამშრომლები“, - განაცხადეს შსს-ში.

ოზურგეთის მერიის შენობასთან "ერთიანი ნაციონალური მოძრაობის" წევრები და სოფელ ნასაკირალის მოსახლეობა საპროტესტო აქციას რამდენიმე საათია მართავენ. ისინი რამდენიმე დღის წინ დეპუტატ ბესო ქათამაძეზე თავდასხმის ფაქტს აპროტესტებენ. გავრცელებული ინფორმაციით, მიმდებარე ტერიტორიაზე სპეცრაზმია მობილიზებული.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში