ოზურგეთის საკრებულოს თავმჯდომარემ გუბერნიის თანამშრომელი "ნაცმოძრაობასთან" კავშირსა და პროვოკაციაში დაადანაშაულა

ოზურგეთის საკრებულოს თავმჯდომარემ დავით დარჩიამ გუბერნიის თანამშრომელი ნესტორ რამიშვილი "ნაციონალურ მოძრაობასთან" კავშირსა და პროვოკაციაში დაადანაშაულა. საქმე ეხება "ნაციონალური მოძრაობის" დეპუტატ დავით მჟავანაძის და ნესტორ რამიშვილის შეხვედრას. დავით მჟავანაძემ შეხვედრის კადრები გაავრცელა, სადაც გუბერნიის თანამშრომელი ნესტორ რამიშვილი სთავაზობს ინციდენთან დაკავშირებით ბესო ქათამაძემ სარჩელი გამოტანოს, სანაცვლოდ კი ინციდენტში მონაწილე დეპუტატებს ფიზიკურ გაუსწორდეს.

თავად ნესტორ რამიშვილი დავით მჟავანაძესთან შეხვედრას ადასტურებს. მისი თქმით, მჟავანაძეს ქუჩაში შემთხვევით შეხვდა და არავის დავალებას არ ასრულებდა. მისი თქმით, შეთავაზება მისი პირადი პოზიცია იყო.

ოზურგეთის მერიის შენობასთან "ერთიანი ნაციონალური მოძრაობის" წევრებმა და სოფელ ნასაკირალის მოსახლეობამ დღეს საპროტესტო აქცია გამართეს. ისინი რამდენიმე დღის წინ დეპუტატ ბესო ქათამაძეზე თავდასხმის ფაქტს აპროტესტებდნენ.

აქციის დასრულების შემდეგ ოზურგეთის საკრებულოს "ერთიანი ნაციონალური მოძრაობის" წევრებმა: ბესო ქათამაძემ, დავით მჟავანაძემ და თორნიკე გოგუაძემ პროტესტის ნიშნად შიმშილობა საკრებულოს თავმჯდომარის კაბინეტთან დაიწყეს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს