რეგიონული განვითარებისა და ინფრასტრუქტურის მინისტრის პირველი მოადგილე ირაკლი ქარსელაძე არ ადასტურებს ინფორმაციას იმის შესახებ, რომ მისი კანდიდატურა მაია ცქიტიშვილის შემცვლელად განიხილება.
ქარსელაძის ინფორმაციით, ცქიტიშვილი ინფრასტრუქტურის მინისტრად რჩება და მისი სხვა პოსტზე გადაყვანა მოსალოდნელი არ არის. შესაბამისად, არც ქარსელაძის დაწინაურების საკითხი განიხილება.
"ჩემი ინფორმაციით, ეს ვარიანტი არ არის. მაია ცქიტიშვილი არის და იქნება ინფრასტრუქტურის მინისტრი. ეს სტატუს-კვო არის, რაც დღეს არსებობს. მე ვრჩები ინფრასტრუქტურის სამინისტროში პირველ მოადგილედ და საგზაო დეპარტამენტის თავმჯდომარედ",- განაცხადა ქარსელაძემ.