შინაგან საქმეთა სამინისტრო პანკისელი ბესლან წუწაშვილის ძებნის საქმეში ჩაერთო. როგორც „ინტერპრესნიუსს“ უწყებაში განუცხადეს, ახალგაზრდის გაუჩინარების შესახებ შსს-ს ოჯახმა აცნობა, რის შედეგად აქტიურად მიმდინარეობს სამძებრო ოპერაცია.
ბესლან წუწაშვილის გაუჩინარების შესახებ ინფორმაცია გუშინ გავრცელდა. როგორც "ინტერპრესნიუსს" ადგილობრივმა მცხოვრებმა მალხაზ მუთოშვილმა განუცხადა, წუწაშვილი საქართველოდან გროზნოში აპირებდა გადასვლას, რა დღესაც ის საზღვარზე დააკავეს.