საბურთალოს რაიონში სამ მისამართზე სკვერი მოეწყობა

საბურთალოს რაიონში, ხვიჩიას, ბალანჩივაძისა და ბერიტაშვილის ქუჩებზე სამი სკვერის რეაბილიტაცია მიმდინარეობს. როგორც „ინტერპრესნიუსს“ თბილისის მერიიდან აცნობეს, პროექტის ფარგლებში, სკვერებში შესაბამისი ინფრასტრუქტურა მოეწყობა და გამწვანების სამუშაოები ჩატარდება. ასევე, მოეწყობა საფეხმავლო ბილიკები და განათების თანამედროვე სისტემა დამონტაჟდება.

ბალანჩივაძის ქუჩაზე სკვერში ბავშვებისთვის გასართობი ზონა უკვე განთავსდა. საბავშვო-გასართობი ინფრასტრუქტურის დამონტაჟება დაგეგმილია ასევე, ბერიტაშვილის ქუჩაზე.

სამივე სკვერში მიმდინარე სარეაბილიტაციო სამუშაოებს საბურთალოს რაიონის გამგებელი გაიოზ ვასაძე გაეცნო. „მოსახლეობის ინტერესებიდან გამომდინარე, საბურთალოს რაიონში სკვერების რეაბილიტაცია ამ დროისთვის შვიდ მისამართზე მიმდინარეობს. ჩვენთვის ძალიან მნიშვნელოვანია, რაიონში რაც შეიძლება მეტი გამწვანებული და დასასვენებელი სივრცე გვქონდეს“, - განაცხადა გაიოზ ვასაძემ.

სკვერების რეაბილიტაციისთვის გამგეობის ბიუჯეტიდან 388 769 ლარია გამოყოფილი. სამუშაოებს გამგეობის დაკვეთით, „გრინსერვის+“ ახორციელებს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს