დღეს კიევის საკასაციო ადმინისტრაციული სასამართლო უკრაინის პრეზიდენტის პეტრო პოროშენკოს წინააღმდეგ საქართველოს ყოფილი პრეზიდენტის, ოდესის ოლქის ყოფილი გუბერნატორის, პარტია „ახალი ძალების“ ლიდერის მიხეილ სააკაშვილის სარჩელს განიხილავს.
ამის შესახებ სააკაშვილის „ახალი ძალების“ პრესსამსახური იუწყება.
შეგახსენებთ, რომ სარჩელი მიხეილ სააკაშვილისთვის უკრაინის მოქალაქეობის ჩამორთმევას ეხება.
2017 წლის ივლისში უკრაინის პრეზიდენტმა პეტრო პოროშენკომ ხელი მოაწერა განკარგულებას მიხეილ სააკაშვილისთვის უკრაინის მოქალაქეობის შეწყვეტის შესახებ. საქართველოს ყოფილმა პრეზიდენტმა აღნიშნულთან დაკავშირებით სარჩელი შეიტანა, რომელშიც პეტრო პოროშენკოს გადაწყვეტილების არაკანონიერად ცნობას ითხოვს.