ქობულეთის მაჟორიტარი დეპუტატი აჭარის უმაღლეს საბჭოში გიორგი რომანაძე მაია ცქიტიშვილთან ერთად, ქობულეთში ნაპირსამაგრ სამუშაოებს გაეცნო.

როგორც „ინტერპრესნიუსს“ აჭარის უმაღლესი საბჭოდან აცნობეს, ქობულეთში მიმდინარე ნაპირსამაგრ სამუშაოებს ქობულეთის მაჟორიტარი დეპუტატი აჭარის უმაღლეს საბჭოში, საფინანსო-საბიუჯეტო და ეკონომიკურ საკითხთა კომიტეტის თავმჯდომარე გიორგი რომანაძე, საქართველოს რეგიონული განვითარებისა და ინფრასტრუქტურის მინისტრ მაია ცქიტიშვილთან, პარლამენტარ კობა ნაკაიძესთან, ქობულეთის მუნიციპალიტეტის მერთან მირიან ქათამაძესთან და საკრებულოს თავმჯდომარე დავით მჭედლიშვილთან ერთად გაეცნო.

საკანონმდებლო და აღმასრულებელი ხელისუფლების წევრებმა სამუშაოს მწარმოებელი კომპანიის წარმომადგენლებისაგან მოისმინეს ინფორმაცია ნაპირსამაგრი სამუშაოების მიმდინარეობასა და ვადებზე.