საქართველოს ტურისტულ პოტენციალს ევროკავშირის ქვეყნებში გაეცნენ

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, ევროპის ქალაქებში საქართველოს შესახებ პრეზენტაციები გაიმართა.

როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, პრეზენტაციები გაიმართა: პრაღაში, ვენაში, ბარსელონაში, ბოლონიაში, რომში, პარიზსა და ამსტერდამში.

ევროპის 7 ქალაქში გამართულ ღონისძიებებზე ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ ევროპელ ჟურნალისტებსა და ტუროპერატორებს საქართველოს ტურისტული მიმართულების შესახებ ინფორმაცია გააცნო. ტურიზმის ეროვნული ადმინისტრაცია ჩეხეთიდან, ავსტრიიდან, ესპანეთიდან, იტალიიდან, საფრანგეთიდან და ჰოლანდიიდან ტურისტების რაოდენობის გაზრდის მიზნით პრეს და გაცნობით ტურებს გეგმავს. ევროპის 7 ქალაქში პრეზენტაცია საქართველოდან პირდაპირი ავიარეისების დანიშვნასთან დაკავშირებითაც მოეწყო.

ევროპელმა ჟურნალისტებმა და ტუროპერატორებმა მიიღეს ინფორმაცია, რომ ახალი ავიარეისები თბილისიდან და ქუთაისიდან ევროპის შემდეგი ქალაქების მიმართულებით დაინიშნა: პრაღა Georgian Airways, WizzAir, ვენა Georgian Airways, ბარსელონა Georgian Airways, WizzAir, ბოლონია Georgian Airways, რომი WizzAir, პარიზი Georgian Airways, WizzAir, ამსტერდამი Georgian Airways. ევროპის ქალაქებში გამართულ პრეზენტაციებზე სტუმრებს საშუალება ჰქონდათ დაეგემოვნებინათ ქართული კერძები და ღვინო.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს