თბილისს აშშ-ის ნიუ ჯერსის შტატის წმ. გრიგოლ ხანძთელის ქართულ მართლმადიდებლურ ეკლესიასთან არსებული ბავშვთა ქართული ცეკვის ანსამბლი „იბერიელები“ საგასტროლოდ ეწვია.

ანსამბლის ხელმძღვანელია გოჩა მაღლაკელიძე. მის შემადგენლობაში არიან ამერიკაში მცხოვრები ქართველი ბავშვები. „იბერიელები“ გამართავს სოლო კონცერტებს თბილისში, დუშეთსა და ზესტაფონში. აგრეთვე მონაწილეობას მიიღებენ ფესტივალში "კავკასია 2018“.

„იბერიელებს“ უმასპინძლებს სახელმწიფო ანსამბლი „სეუ“. დაგეგმილია შეხვედრები საქართველოს პრეზიდენტთან პრეზიდენტის სასახლეში, პარლამენტარებთან, პატრიარქთან, ამერიკის ელჩთან. თბილისში სოლო კონცერტი 29 ივნისს, 19:00 საათზე რუსთაველის თეატრში ჩატარდება.