დონალდ ტრამპისა და ვლადიმერ პუტინის პირისპირ შეხვედრის შესახებ ოფიციალური განცხადება ხვალ გაკეთდება

მოსკოვი და ვაშინგტონი დონალდ ტრამპისა და ვლადიმერ პუტინის შეხვედრაზე შეთანხმდნენ. ამის შესახებ კრემლის ლიდერის თანაშემწემ იური უშაკოვმა განაცხადა.

„ეს საკითხი მხარეებს შორის საკმაოდ დიდი ხანია დახურული არხებით განიხილება. შემიძლია ვთქვა, რომ მიღწეულია შეთანხმება სამიტის ჩატარების, მათ შორის დროისა და ადგილის შესახებ. ამის შესახებ ამერიკელ კოლეგებთან ერთად ხვალ ერთობლივად განვაცხადებთ“, - აღნიშნა უშაკოვმა. მისივე თქმით, პრეზიდენტებს შორის შეხვედრა მესამე ქვეყანაში გაიმართება.

ბოლო დღეების განმავლობაში ორმა მედიასაშუალებამ გაავრცელა ინფორმაცია ტრამპი-პუტინის შეხვედრების შესახებ და შეხვედრის ადგილად ორი ქალაქი - ვენა და ჰელსინკი დასახელდა. მოსკოვსა და ვაშინგტონში ამ ინფორმაციაზე კომენტარი არ გაკეთებულა.

დღესვე პუტინის თანაშემწემ ის სავარაუდო თემებიც დაასახელა, რომელზეც თეთრი სახლისა და კრემლის ლიდერები იმსჯელებენ - სტრატეგიული სტაბილურობა, ტერორიზმთან ბრძოლა და ორმხრივი ურთიერთობების გამოსწორება.

პრეზიდენტის რანგში დონალდ ტრამპი რუს კოლეგას, პირადად, სულ ორჯერ შეხვდა - 2017 წლის ივლისში „დიდი ოცეულის“ ფარგლებში ჰამბურგში, რა დროსაც ორმხრივი ურთიერთობები, სირიისა და უკრაინის კრიზისები განიხილეს. ასევე ნოემბერში, დანანგში გამართულ აზია-წყნარი ოკეანის ეკონომიკური თანამშრომლობის სამიტზე, სადაც მათ სირიის შესახებ ერთობლივ განცხადებას მხარი დაუჭირეს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა