GIPA საქართველოს პირველი დემოკრატიული რესპუბლიკის დაარსებიდან 100 წლის იუბილესადმი მიძღვნილ კვირეულს იწყებს

GIPA საქართველოს პირველი დემოკრატიული რესპუბლიკის დაარსებიდან 100 წლის იუბილესადმი მიძღვნილ კვირეულს იწყებს, - ამის შესახებ „ინტერპრესნიუსს“ GIPA -დან აცნობეს.

„დამოუკიდებელ ქვეყანას თავისუფალი ადამიანები ქმნიან - ჩვენი ქვეყნის ისტორია დამოუკიდებლობისა და თავისუფლებისთვის ბრძოლის ნათელი მაგალითია. საქართველოს სახელმწიფოებრივი დამოუკიდებლობის გამოცხადების დღე გასული საუკუნის უმნიშვნელოვანესი მოვლენაა ჩვენი ქვეყნის ისტორიაში. როგორც ვაჟა-ფშაველა ამბობს, „თავისუფლება პიროვნებისა და ერისა ერთი ერთმანეთთან მჭიდროდ არის დაკავშირებული. სადაც არაა პიროვნება თავისუფალი, იქ ერი დამონებულია....“

GIPA-ს მანდატი კვალიფიციური, პასუხისმგებლობით და პიროვნული თავისუფლებით აღსავსე თაობის აღზრდაა, რომელიც ქმნის და ცვლის რეალობას, აყალიბებს დემოკრატიულ ღირებულებებს, ემსახურება სამართლის უზენაესობას, მოქმედებს ადამიანის უფლებებისა და სახელმწიფოებრივი ინტერესების დაცვით. ჩვენ გვჯერა, რომ სწორედ ასეთი ადამიანები მოიპოვებენ დამოუკიდებლობას და ქმნიან თავისუფალ გარემოს.

სწორედ ამიტომ, 16-20 ივლისს, GIPA იწყებს საქართველოს პირველი დამოუკიდებელი რესპუბლიკის გამოცხადებიდან 100 წლისთავისადმი მიძღვნილ კვირეულს - „დამოუკიდებლობიდან თავისუფლებისკენ“, რომელიც, პირველ რიგში, ჩვენი კურსდამთავრებულებისთვის ტარდება“. - ნათქვამია ინფორმაციაში. .

ღონისძიება გახსნილია და მასზე დასწრება შეუძლია ნებისმიერ დაინტერესებულ ადამიანს. აღნიშნული კვირეულის ფარგლებში, რომელიც მოსწავლე ახალგაზრდობის სასახლეში, საქართველოს პარლამენტის ეროვნულ ბიბლიოთეკასა და საქართველოს პრეზიდენტის სასახლეში გაიმართება, საჯარო ლექციებს წაიკითხავენ:

16 ივლისი /გიორგი კეკელიძე - „მე-20 საუკუნის ადამიანები და მათი როლი ქვეყნის დამოუკიდებლობაში“ (მოსწავლე ახალგაზრდობის სასახლე)

17 ივლისი /ბექა კობახიძე - „საქართველოს დამოუკიდებლობის ისტორიული კონტექსტი“ (საქართველოს პარლამენტის ეროვნული ბიბლიოთეკა)

18 ივლისი /გიორგი ოთხმეზური - „ქართული სახელმწიფოებრიობა“ (საქართველოს პარლამენტის ეროვნული ბიბლიოთეკა)

19 ივლისი /მზექალა შანიძე - „ქართული ენის ისტორია და მისი ადგილი ქართულ საზოგადოებაში“ (საქართველოს პრეზიდენტის სასახლე)

20 ივლისი/გიორგი მარგველაშვილი - „დამოუკიდებლობიდან თავისუფლებისკენ„ (საქართველოს პრეზიდენტის სასახლე)

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო