მერილენდის შტატში გაზეთის რედაქციაზე მომხდარი თავდასხმის შედეგად რამდენიმე ადამიანი გარდაიცვალა

ამერიკაში, მერილენდის შტატში, გაზეთ Capital Gazette-ის რედაქციაზე მომხდარი თავდასხმის შედეგად, რამდენიმე ადამიანი გარდაიცვალა. ამის შესახებ ტელეარხი „ფოქსნიუსი“ შერიფზე დაყრდნობით იუწყება.

მისი ინფორმაციით, თავდასხმაში ეჭვმიტანილი უკვე დაკავებულია. გაზეთის თანამშრომელთა ევაკუირება განხორციელდა. შენობაში ჩხრეკა მიმდინარეობს. CBS პოლიციაში წყაროზე დაყრდნობით იუწყება, რომ გარდაცვლილია ოთხი ადამიანი. მანამდე კი გამოცემა Baltimore Sun-მა დაწერა, რომ ინციდენტის შედეგად, მსხვერპლის რაოდენობა დიდია.