ქვევრის ღვინის მეორე საერთაშორისო კონკურსის დაჯილდოების ცერემონია გაიმართა

ასოციაცია „ქართული ღვინოს“ ინიციატივით და ორგანიზებით, საქართველოს გარემოს დაცვისა და სოფლის მეურნეობის სამინისტროსა და ღვინის ეროვნული სააგენტოს მხარდაჭერით, ქვევრის ღვინის მეორე საერთაშორისო კონკურსის დაჯილდოების ცერემონია გაიმართა.

ქვევრის ღვინის საერთაშორისო კონკურსის მიზანია ხელი შეუწყოს ქვევრისა და ქვევრში დაყენებული ღვინოების პოპულარიზაციასა და ხარისხის ზრდას, ისევე როგორც სხვადასხვა ქვეყანაში წარმოებული ქვევრის ღვინის ცნობადობის ამაღლებას და საუკეთესო ნიმუშების გამოვლენას.

ღვინის ეროვნული სააგენტოს ინფორმაციით, კონკურსის გამარჯვებულ 80 ნიმუშს ოქროს და ვერცხლის დიპლომები გადაეცათ.

გამარჯვებულები წელს უცხოელი და ქართველი ღვინის ექსპერტებისგან დაკომპლექტებულმა ჟიურიმ გამოავლინა, რომლებმაც ორი დღის განმავლობაში 70 კომპანიის 200 ნიმუში გასინჯა და შეაფასა.

ქვევრის ღვინის საერთაშორისო კონკურსი საქართველოში პირველად ქვევრის სიმპოზიუმის ფარგლებში, 2017 წელს ჩატარდა. კონკურსზე წარმოდგენილი იყო ქვევრის ღვინის 150 ნიმუში საქართველოდან და უცხოეთიდან.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 16.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ოფისი განახლებულ ჭავჭავაძეზე, ბიზნეს-ცენტრ პიქსელში
საქართველოში მინა-პაკეტის დამზადების ხარისხის კონტროლი ჩატარდა
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა