მთავრობა ფერმათა და ფერმერთა რეგისტრაციას იწყებს

საქართველოს მთავრობა ფერმათა და ფერმერთა რეგისტრაციას იწყებს. როგორც გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა, შესაბამისი პროექტი მთავრობამ დღევანდელ სხდომაზე დაამტკიცა.

„ევროპის ყველა ქვეყანაში არსებობს ასეთი ელექტრონული ბაზა. საქართველოში ჩვენ პილოტირების რეჟიმში გვქონდა მევენახეობის კადასტრი, რომელიც ფარავდა რამდენიმე საინტერესო რეგიონს. დღეისთვის ჩვენ ვაპირებთ მთელი საქართველოს ფერმერებს მივცეთ საშუალება, რომ მათი მონაცემები ავსახოთ ერთიან ელექტრონულ სისტემაში. ეს მოგვცემს უკეთესი ინტერაქციის საშუალებას. ფერმერები მიიღებენ ინფორმაციას ყველა იმ სახელმწიფო პროექტის შესახებ, რომელთაც ჩვენ ვახორციელებთ. ამავე დროს გვექნება საშუალება, ფერმერებისგან მივიღოთ ინფორმაცია მათი საქმიანობის შესახებ. ეს გააუმჯობესებს სასოფლო-სამეურნეო სტატისტიკას და ამავე დროს ძალიან მნიშვნელოვანი იქნება ჩვენთვისაც, რომ დავინახოთ სექტორის დინამიკა და უკეთესად დავგეგმოთ ჩვენი საქმიანობა. მათ შორის ჩვენ გვექნება სრული საკონტაქტო ინფორმაცია ყველა ფერმერისგან“, - განაცხადა ლევან დავითაშვილმა.

მისი თქმით, პროექტი წელს დაიწყება და პირველ ეტაპზე მოხდება ყველა იმ მონაცემთა ბაზის და სისტემის გაერთიანება, რომელიც სხვადასხვა სახელმწიფო სტრუქტურაში არსებობს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა