ესტონეთში აშშ-ს ელჩმა ჯეიმს მელვილმა ევროპაში აშშ-ს მოკავშირეებთან მიმართებაში ტრამპის პოლიტიკით უკმაყოფილების გამო, თანამდებობიდან გადადგომის სურვილი გამოთქვა. ამის შესახებ ინფორმაციას გამოცემა Foreign Policy „ფეისბუქის“ პირად გვერდზე დიპლომატის ჩანაწერზე დაყრდნობით იუწყება.

„პრეზიდენტისგან იმის თქმა, ევროკავშირი იმისთვის შეიქმნა, რომ სარგებელი მიიღოს ამერიკისგან და თავს დაესხას ჩვენს ყულაბას, ხოლო ნატო ისევე ცუდია, როგორც NAFTA-ს შეთანხმება, არა მხოლოდ არ შეესაბამება ფაქტებს, არამედ იმასაც ადასტურებს, რომ დადგა დრო წავიდე“, - დაწერა ესტონეთში აშშ-ს ელჩმა.

ჯეიმს მელვილი 33 წელია, რაც დიპლომატიურ სამსახურშია. ის ესტონეთში აშშ-ს ელჩად 2015 წელს დაინიშნა.