ლია გიგაური - მოსწავლეების გამოკითხვით მივიღეთ ინფორმაცია, რომ მათ აგრესიის გამომწვევ ერთ-ერთ მიზეზად ოჯახი მიაჩნიათ

სკოლების მოსწავლეები აგრესიის ერთ-ერთ მიზეზად ოჯახში არსებულ სიტუაციას ასახელებენ, - ამის შესახებ განათლებისა და მეცნიერების მინისტრის მოადგილემ, ლია გიგაურმა პარლამენტში განაცხადა.

გიგაურმა დღეს დეპუტატებს და დარგის ექსპერტებს ბულინგის კუთხით სკოლებში არსებული პრობლემები გააცნო.

„მოსწავლეების გამოკითხვით მივიღეთ ინფორმაცია, რომ მათ აგრესიის გამომწვევ ერთ-ერთ მიზეზად ოჯახი მიაჩნიათ. შესაბამისად, პრობლემად მოზარდები ასახელებენ მშობლების მოუცლელობას და გულგრილ დამოკიდებულებას, ოჯახურ კონფლიქტებს, ძალადობას ოჯახში, რომელსაც ბავშვი ვერავის გაუზიარებს, მშობლის ამბიციებს, რომ მისმა შვილმა ყველაფერი მოასწროს. ქალაქში მცხოვრები მოსწავლეები ძირითადად ამბობენ, რომ მშობლების ინტერესია თუ რა ქულა მიიღო, იმეცადინა თუ არა ბავშვმა, თბილად აცვია თუ არა და ჭამა თუ არა. ხოლო სოფელში მცხოვრები მოსწავლეების მშობლების ინტერესის სფეროს წარმოადგენს, რა ქულა მიიღო ბავშვმა, შეასრულა თუ არა ის საოჯახო დავალება, რომელიც მშობელმა მისცა, პატარებს მოუარა თუ არა და თბილად აცვია თუ არა. რაც შეეხება იმას, თუ რა აწუხებს ბავშვებს, როგორც სკოლის მოსწავლეები ამბობენ, ხშირად არავის აინტერესებს, თუ რა აწუხებთ მათ", - განაცხადა ლია გიგაურმა.

მინისტრის მოადგილის თქმით, არაერთი პრობლემა გამოიკვეთა სკოლაშიც.

"მოსწავლეების გამოკითხვის შედეგად გამოვლინდა, რომ სკოლაში ერთ-ერთი ძირითადი პრობლემა არის მასწავლებლების გულგრილობა მაგალითად დაცინვაზე, კლასის დაჯგუფებებად დაყოფაზე და ა.შ. როგორც მოსწავლეები ამბობენ, მასწავლებლების მხრიდან მეტი აქცენტი კეთდება მის საგანში მაღალ აკადემიურ მოსწრებაზე, ვიდრე ცხოვრებისეულ პრობლემებზე საუბარზე. მოზარდების თქმით, არავინ ასწავლის მათ ბულინგის ამოცნობას, კონფლიქტების მართვას და ა.შ. მოზარდები ამბობენ, რომ კონფლიქტის მართვა წყდება ძირითადად ერთი ფრაზით - შერიგდით“, - განაცხადა ლია გიგაურმა.

მინისტრის მოადგილის თქმით, მოსწავლეებმა მოითხოვეს ფსიქოლოგი იმ სკოლებში, სადაც ის ამ ეტაპზე არ არის.

“კარგ და ცუდ მოსწავლეებად დაყოფა კვლავ არსებობს სკოლაში. იყო პრეტენზია მანდატურებთან დაკავშირებით, რომ ოქმის დაწერაზე არიან ორირენტირებული და სწორედ ამიტომ ცდილობს მოსწავლე პრობლემის დაფარვას, ანუ არ უზიარებენ პრობლემას, ვინაიდან მის წინააღმდეგ ოქმი არ შედგეს. იყო ასეთი საკითხი, მოსწავლეებმა დაასახელეს, რომ ხშირ შემთხვევაში მასწავლებლებმა თავად არ იციან რა არის ძალადობა და ბულინგი“, - განაცხადა გიგაურმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს