ქუთაისი-მილანის რეისის მგზავრები გაფრენამდე სასტუმრო ,,წყალტუბო პლაზაში“ გადაიყვანეს

ქუთაისი-დორტმუნდის რეისის დაგვიანებით შესრულების გამო, დღეს ქუთაისი-მილანის რეისი, ნაცვლად 16:10 საათისა 23:10 საათზე შესრულდება. აეროპორტების გაერთიანების ინფორმაციით, მგზავრების ტრანსპორტირებისა და სასტუმროში განთავსების ხარჯები ავიაკომპანია „ვიზეარმა“ უზრუნველყო. ისინი ამ დროისთვის, კომფორტული ავტობუსებით, ქუთაისის აეროპორტის თანამშრომლებმა სასტუმრო ,,წყალტუბო პლაზაში“ გადაიყვანეს.

კომპანია "ვიზეარი" სასტუმროში ორჯერადი კვების ხარჯებს თავის თავზე იღებს. გაფრენამდე ორი საათით ადრე ქუთაისი-მილანის რეისის მგზავრებს კვლავ აეროპორტში გადაიყვანენ.

სასტუმროში განთავსების შესახებ ფოტო და ვიდეო მასალას სოციალურ ქსელში თავად მგზავრები ავრცელებენ.