ასტანაში „საპარტნიორო ფონდს“, ყაზახურ კომპანია „სემურგ ინვესტსა“ და ყაზახურ ეროვნულ კომპანია „ყაზახ ინვესტს“ შორის მემორანდუმი გაფორმდა

„საპარტნიორო ფონდის“ აღმასრულებელი დირექტორის მოადგილე ნათია თურნავა ყაზახეთში, ქალაქ ასტანაში გამართულ საერათაშორისო საინვესტიციო ფორუმში Kazakhstan Global Investment Roundtable მონაწილეობს.

როგორც „ინტერპრესნიუსს“ „საპარტნიორო ფონდიდან“ აცნობეს, საერთაშორისო საინვესტიციო ფორუმის ფარგლებში „საპარტნიორო ფონდს“, ყაზახურ კომპანია „სემურგ ინვესტსა“ და ყაზახურ ეროვნულ კომპანია „ყაზახ ინვესტს“ შორის სამმხრივი თანამშრომლობის მემორანდუმს მოეწერა ხელი. მათი ინფორმაციით, მემორანდუმი კასპიის ზღვაზე მშენებარე კურიკის პორტსა და შავი ზღვის პორტებს შორის თანამშრომლობასა და ევრაზიულ დერეფანში ლოგისტიკური პროექტების განხორციელებას ითვალისწინებს.

ასტანაში მიმდინარე საინვესტიციო ფორუმს მსოფლიოს 50-ზე მეტი ქვეყნის მთავრობის წევრები და 500-მდე წამყვანი ბიზნეს კომპანიის ლიდერები ესწრებიან. საერთაშორისო საინვესტიციო ფორუმი ყაზახეთის პრემიერ-მინისტრმა ბაქიზან სანგიტაევმა გახსნა.

Kazakhstan Global Investment Roundtable-ის ძირითადი განსახილველი საკითხებია: ახალი რეგიონული ინიციატივები, საინვესტიციო სტრატეგია, ევრაზიული დერეფნის ლოგისტიკური ინფრასტრუქტურის განვითარებაზე ორიენტირებული კონკრეტული პროექტები, „აბრეშუმის გზის“ პროექტის ფარგლებში დასახული ამოცანები, ახალი ბიზნეს პლატფორმის შესწავლა და გლობალური ეკონომიკური პოლიტიკა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში