საქართველოში ჯანსაღი ცხოვრების წესის პოპულარიზაციის, პროპაგანდის და დამკვიდრების წესის ხელშეწყობის მიზნით, საქართველოს კორპორატიული სპორტის ფედერაციასა და ქართველ და თურქ ბიზნესმენთა ასოციაცია GURTİAD-ს შორის ურთიერთთანამშრომლობის მემორანდუმი გაფორმდა.
„მემორანდუმის ფარგლებში ქართულ-თურქული ასოციაცია აქტიურ მონაწილეობას მიიღებს სპორტის ფედერაციის მიერ ორგანიზებულ ღონისძიებებში, ჩვენ დიდ წვლილს შევიტანთ როგორც ჩართულობით, ასევე ფინანსური დახმარების მოძიების საკითხებში", - განაცხადა ქართველ და თურქ ბიზნესმენთა ასოციაცია GURTİAD-ის პრეზიდენტმა ჯელალ სანჯარმა.
საქართველოს კორპორატიული სპორტის ფედერაციის პრეზიდენტი პაატა ცივაძე იმედს გამოთქვამს, რომ მსგავსი ღონისძიებები კიდევ უფრო გააღრმავებს ქართველ და თურქ ბიზნესმენთა შორის ურთიერთობას.