პარლამენტის პირველი ვიცე-სპიკერის, თამარ ჩუგოშვილის განცხადებით, აჭარის მთავრობის თავმჯდომარის დანიშვნასთან დაკავშირებით პრეზიდენტმა კონსულტაცია აჭარის შესაბამის ერთეულებთან უნდა გაიაროს.

ჩუგოშვილი ჟურნალისტებთან საუბრისას აჭარის მთავრობის თავმჯდომარის დანიშვნის პროცედურას გამოეხმაურა.

„მე ვფიქრობ, რომ კანონმდებლობიდან გამომდინარე, პრეზიდენტმა კონსულტაცია უნდა გაიაროს აჭარის ავტონომიური რესპუბლიკის შესაბამის ერთეულებთან და უმაღლეს საბჭოსთან,“ – განაცხადა თამარ ჩუგოშვილმა.

აჭარის მთავრობის თავმჯდომარე ზურაბ პატარაძემ თანამდებობა გუშინ დატოვა.