ვიქტორ ორბანი - მიგრანტები გერმანიიდან არა უნგრეთში, არამედ საბერძნეთში უნდა დააბრუნონ

უნგრეთის პრემიერ-მინისტრმა ვიქტორ ორბანმა განაცხადა, რომ მიგრანტები გერმანიიდან არა უნგრეთში, არამედ საბერძნეთში უნდა დააბრუნონ.

„გერმანია და უნგრეთი მიგრაციის საკითხში სხვანაირად უყურებენ სამყაროს, სხვადასხვა მოსაზრება აქვთ, თუმცა, ჩვენ თანამშრომლობისკენ მივისწრაფვით“, - განაცხადა ვიქტორ ორბანმა გერმანიის კანცლერ ანგელა მერკელთან გამართულ ერთობლივ პრესკონფერენციაზე.

უნგრეთის პრემიერ-მინისტრის თქმით, უნგრეთი ევროკავშირის ტერიტორიაზე მიგრანტების შესვლის პირველი პუნქტი არ არის. „უნგრეთში მოხვედრა მხოლოდ საბერძნეთის გავლით შეიძლება. ამიტომაც მივიჩნევთ, რომ მიგრანტები გერმანიიდან საბერძნეთში უნდა დააბრუნონ“, - აღნიშნა მან.

ვიტქორ ორბანმა ასევე განაცხადა, რომ უნგრეთის სტრატეგიული გეგმაა ევროპის დაცვა და თავისი სახელმწიფოს ტერიტორიაზე კონტროლის აღდგენა.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან