ბელგიის ვიცე-პრემიერი - როდესაც მოსკოვში დისკუსიებს ვმართავთ, საქართველოს ორი ოკუპირებული რეგიონის საკითხს ყოველთვის ვაყენებთ

როდესაც მოსკოვში დისკუსიებს ვმართავთ, საქართველოს ორი ოკუპირებული რეგიონის საკითხს ყოველთვის ვაყენებთ, - ამის შესახებ ბელგიის სამეფოს ვიცე-პრემიერმა, საგარეო და ევროპულ საქმეთა მინისტრმა დიდიე რეინდერსმა დღეს, საქართველოს საგარეო საქმეთა მინისტრ დავით ზალკალიანთან შეხვედრის შემდეგ განაცხადა.

როგორც რეინდერსმა თქვა, აღნიშნულ საკითხზე საუბარი ჰქონდა რუსეთის საგარეო საქმეთა მინისტრ სერგეი ლავროვთან ბოლო შეხვედრაზეც.

„ბელგია, ისევე როგორც ევროკავშირი, აცხადებს, რომ შეუძლებელია შევურიგდეთ ამ ოკუპაციას და კითხვის ნიშნის ქვეშ დავაყენოთ საქართველოს სუვერენობა და ტერიტორიული მთლიანობა. ამ ორი რეგიონის მაცხოვრებლებთან ადამიანური ურთიერთობების თვალსაზრისით წინსვლა უმნიშველოვანესია და მივესალმებით შერიგების ინიციატივას. მნიშვნელოვანია გადაიდგას ნაბიჯები ვაჭრობის, განათლების, ხალხთა შორის თავისუფალი გადაადგილების თვალსაზრისით. ასევე, მნიშვნელოვანია პოლიტიკური ფორმატი ჟენევაში, რომელსაც მხარს ვუჭერთ და იმედი გვაქვს, რომ აქ წინსვლა შესაძლებელი იქნება. ბელგია ცდილობს, ითამაშოს საკუთარი როლი ამ პროცესში და მუდამ, როდესაც მოსკოვში დისკუსიებს ვმართავთ, ორი რეგიონის საკითხს ვაყენებთ. ეს საკითხი ყოველთვის დღის წესრიგშია. რუსეთის საგარეო საქმეთა მინისტრ სერგეი ლავროვთან შეხვედრისას განვაცხადე, რომ მნიშვნელოვანია მიღწეულ იქნას პროგრესი, რადგან შეუძლებელია სიტუაცია დარჩეს ისეთი, როგორც დღეს არის“, - განაცხადა ბელგიის საგარეო და ევროპულ საქმეთა მინისტრმა საქართველოში ვიზიტისას.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს